Најмалку 11 лица загинаа, a 34 се повредени во автобуска несреќа во Хрватска

Од:

Автобус со полски регистерски таблички излетал од патот на автопатот А4 во правец кон Загреб и според првичните информации има неколку загинати и повредени, јавуваат хрватските медиуми.Несреќата се случила меѓу Јарек Бишашки и Подворец, пренесува „Вечерњи лист“. Ангажирани се неколку екипи на брза помош од Вараждинската жупанија и од Загреб.

„Јутарњи лист“ пишува дека најмалку 11 лица загинале на лице место, а дека 34 лица се повредени, главно полесно. Сепак, додаваат тие, овие неофицијални бројки можеби не се конечни.

Според првите информации, автобусот околу 5.30 часот излетал на потегот од Брезнички Хум до Комин, во правец кон Загреб. Полициската управа Вараждин наведува дека точната локација е помеѓу Јарек Бишашки и Подворец.

Засега нема официјални информации за причините за оваа несреќа, ниту за околностите во кои се случила, но неофицијално се претпоставува дека возачот најверојатно заспал на воланот.

Полицијата е на местото на настанот и истрагата е во тек, а на локацијата се повикани екипи на итната помош и пожарникари кои помагаат во извлекувањето на жртвите.

– Според досегашните информации, во сообраќајната несреќа загинале неколку лица, а поголем број се тешко повредени. Заедно со полициски службеници од ПУ Вараждин и ПУ Загреб, на местото на настанот се ангажирани неколку екипи на Институтот за итна медицинска помош од областа на Вараждинската жупанија и Загреб, како и неколку екипи на пожарникари од двете жупанија, полицијата објави.

Би можело да ве интересира

Пленковиќ: Милановиќ продолжува со циркусот, маските паднаа

На роденденска забава во Хрватска: Маж палел скара со запалива течност, па во паника запалил девојче

Горан Наумовски

Автобус со околу 20 деца во Хрватска излета од патот, нема сериозно повредени

Хрватска: Поранешен полицаец се обидел да го убие соседот од љубомора, но нема да оди во затвор

Млад фудбалер е убиен во Сплит

Серија земјотреси во Хрватска