Најголем број на смртни случаи од Ковид-19 евидентирани во Србија

Од:

Здравствените власти во Србија соопштија дека во земјата се евидентирани 11 смртни случаи од коронавирус во последните 24 часа и тоа е најголем број во еден ден од почетокот на пандемијата.

Во последното деноноќие во државата потврдени се уште 309 случаи на заразени, а поради влошената епидемиолошка состојба, вратени се вонредните мерки во Белград и во пет други градови. Покрај итните мерки претходно објавени во Крагуевац, Нови Пазар, Тутин, Ивањица и Врање, српската Влада усвои пакет вонредни мерки и за Белград, кои без исклучок ја ограничуваат работата на сите ресторани и ноќни клубови од 23 часот до 6 часот наутро следниот ден.

Во државата воведена е обврска за носење заштитни маски, со почитување на физичкото растојание од еден и пол метри, во затворени простории, во приградскиот и меѓуградскиот превоз, а за прекршителите казната изнесува околу 40 евра.

Српската Влада донесе и одлука со која се забранува собирање на јавни места во затворени простории за повеќе од 100 лица, а на отворено до 500, со обврска да се почитува физичкото растојание од метар и половина. Сите мерки донесени за Белград ќе важат до 18 јули.

Би можело да ве интересира

Двајца починати и 77 нови случаи на Ковид-19 во Грција

А1он

14-годишен српски ватерполист во тешка состојба, префрлен на респиратор поради коронавирусот

А1он

Нови седум починати и 250 заболени од Ковид-19 во Косово

А1он

Пет случаи на заразени со коронавирус во грчкиот ватерполо тим

А1он

Училишната година во Мексико ќе почне од дома

А1он

Децата во Западна Померанија тргнаа во училиште без маски

А1он