Над 115 илјади Косовци годинава ќе гласаат по прв пат

Од:

На вонредните парламентарни избори што ќе се одржат на 6 октомври во Косово своето право на глас по првпат ќе можат да го искористат повеќе од 115 илјади граѓани, јави дописникот на МИА од Приштина.

Портпаролот на Централната изборна комисја (ЦИК) на Косово, Ваљмир Елези за Радио Косово изјави дека треба да се чека да заврши сертификацијата за да се види колку од овие нови гласачи во последните две години станале полнотлетни, а колку првпат се регистрирале во централниот регистар на гласачи.

– Врз основа на прелиминарната листа на гласачи за овие избори, оваа листа содржи 115.215 имиња на гласачи повеќе одошто конечната листа на гласачи за локалните избори во 2017 година, изјави Елези.

Право на глас на локалните избори во јуни 2017 година, според официјални податоци на ЦИК, имаа 1.872.941 државјанин на Косово, додека според прелиминарната листа на ЦИК годинава тоа право го имаат нешто помалку од два милиони граѓани.

Вонредните парламентарни избори на 6 октомври во Косово ќе се одржат откако во јули годинава премиерот Рамуш Харадинај поднесе оставка на функцијата, а Собранието минатиот месец се самораспушти.

Би можело да ве интересира

(ВИДЕО) Самка Ибраимовски: Доста е да не водат семејни кланови и партиски потрчковци

Орце Костов

Таравари: Mладите се јадрото на населението, иселувањето на младите е државен аларм

А1он

Претседателските кандидати до кампањата не смеат да трошат пари од трансакциската сметка наменета за изборна кампања

Горан Наумовски

Ахмети: Александар Дугин, главата на руските политики има партија во Македонија

Ахмети и Реџепи потпишаа коалиција: „Европскиот фронт“ ќе биде носител на промени, „да“ за ЕУ, „не“ за Русија

Во Русија: Најмалку 74 уапсени за протести за време на претседателските избори