На Миконос позитивни 64 отсто од тестираните

Од:

Стапката на позитивност, односно процентот на позитивни резултати од направените тестови и оваа седмица е висока на голем дел од грчките острови, над 40 отсто на Миконос, Парос, Санторини и Милос, јави дописничката на МИА од Атина.

dobivaj vesti na viber

Според официјалните податоци од Националната организација за јавно здравје на Грција за стапката на позитивност во периодот од 27 јуни до 3 јули 2022 година, на Миконос позитивни се 64,21 отсто од тестираните, на Милос 47,47 проценти, на Парос 46,44 отсто, на Санторини 41,39 отсто и 37,54 проценти во западниот дел на областа Атика, поширокиот регион на Атина.

Меѓу 20 и 30 отсто позитивни од направените тестови за Ковид-19 има на островите Родос, Лимнос, Наксос, Хиос, Карпатос, Крф, Закинтос и Кос, во градовите Ханиа, Ретимнос и Ираклио на Крит, во центарот на Атина и во источниот дел на областа Атика.

Во конкретниот период од седум дена стапката на позитивност во Грција е 14,6 проценти, од вкупно 852.361 лабораториски тестови (ПЦР и рапд), наспроти 12,07 отсто пред една седмица.

Во изминатите 24 часа во Грција се регистрирани 19.303 нови случаи на Ковид-19 и 4.061 веројатни реинфекции, починаа 20 лица, а 96 пациенти се приклучени на апарати на одделите за интензивна нега во грчките болници.

Од почетокот на пандемијата во земјата се потврдени 3.774.377 случаи на Ковид-19, се проценува дека има 191.263 реинфекции што е 4.8 отсто од вкупниот број на позитивни резултати, а почина вкупно 30.371 лице.

Од Националната организација за јавно здравје на Грција денеска соопштија дека од петок статистиката поврзана со Ковид-19 ќе се објавува еднаш седмично, а не секој ден како што беше пракса досега.

Би можело да ве интересира

Повторно раст на новозаразени со Ковид-19 во Албанија, надлежните апелираат за имунизација

Надлежниот грчки министер потврди дека кај Еврос починало петгодишно дете

Намален бројот на починати и заразени со Ковид-19 во Грција

А1он

Зголемени вкупните приходи во државниот буџет на Грција

А1он

ВИДЕО: Поради заразено шестгодишно дете Кинезите ја затворија „Икеа“ заедно со купувачите

А1он

Уапсен маж осомничен за пожарот на грчкиот остров Тасос

Ана Ололовска