Претседателот на Србија, Александар Вучиќ, по препорака на Кризниот штаб, вечерва треба да ги објави најновите, остри мерки за Белград заради коронавирусот, дознава српски Б92.
Како што соопштуваат српските медиуми, Вучиќ треба да ги објави тие мерки вечерва, за време на неговото гостување на РТС, поради неповолната епидемиолошка состојба во главниот град на Србија.
Според најновите податоци, од вкупниот број на тестирани во Србија во последните 24 часа, повеќе од 80 проценти од заразените се од Белград.
Вечерва, по состанокот на Кризниот штаб, претседателот на Србија ќе ја објави конечната одлука за нови ригорозни мерки за сузбивање на епидемијата во главниот српски град.
Според информациите на српските медиуми, се размислува за повторно воведување на полициски час во вечерните часови, или целосно затворање на Белград, што ќе значи забрана за влез и заминување од градот.