Србија тешко може да смета на меѓувладина конференција за отворање на првите поглавија од предпристапните преговори со Европската унија, објави Танјуг повикувајќи се на неименуван функционер на ЕУ.
– Од технички начини практично е невозможно да се одржи меѓувладина конфернеција пред летната пауза, истакна неименуваниот функционер.
Тој наведе дека меѓувладините конференции по обичај се одржуваат непосредно пред отворање на поглавијата, а нема доволен напредок во подготовките за преговорите за тоа да се случи до лето.
– Србија оствари импресивен напредок, но до отворање на поглавијата се уште има чекори, наведе функционерот, додавајќи оти октомври е реален рок.
Србија досега го заврши скринингот на седум од вкупно 35 поглавија во преговарачкиот процес, а во тек е скрининг на уште седум.