Министерството за здравство на Грција подготвува амандман за набавка на моноклонални антитела за пилотски третман против Ковид-19

Од:

Министерството за здравство на Грција подготвува амандман што ќе ги дефинира точните услови за снабдување и примена на терапијата против Ковид-19 со моноклонални антитела, соопштија денеска портпаролот на грчката Влада Јанис Иконому и министерот за здравство на Грција Танос Плеврис, јави дописничката на МИА од Атина.

-Третманите со моноклонални антитела против Ковид-19, поради тоа што немаат добиено одобрување од надлежните органи и нивната достапност е ограничена, во Националниот здравствен систем ќе бидат достапни како пилотска процедура, веднаш откако ќе бидат препорачани врз основа на меѓународни правила, рече Плеврис.

Објасни дека Министерството за здравство уште од февруари учествува во европскиот механизам за заедничка набавка на моноклонални антитела и ги очекувале резултатите од клиничките испитувања што беа објавени во август, според кои конкретната терапија е ефикасна и во борбата со мутациите и додаде дека оваа терапија во Грција „мора да биде достапна под строги и специфични услови“.

На денешниот редовен брифинг со новинарите, портпаролот на грчката Влада Јанис Иконому објасни дека „неодамна, вчера или завчера Европската организација ја одобри употребата на моноклонални антитела“, а Министерството за здравство подготвува амандман што на Грција ќе ѝ овозможи набавка на оваа терапија.

Би можело да ве интересира

Шведска го продолжи прекинот за употреба на вакцината на Модерна кај младите

А1он

Русија ја идентификуваше новата варијанта на коронавирусот, која е позаразна од Делта

А1он

СЗО: Ковид-19 досега предизвика смрт на 80.000 до 180.000 здравствени работници во светот

А1он

Стилијанидис: Во невремето во Атина ќе имавме и до 300 загинати, ако се потврдеа прогнозите и ако не преземевме мерки

Ана Ололовска

Кон: Мораме порано да ги отпуштаме пациентите за нов кревет, ковид пропусниците не се доволни

Ана Ололовска

СЗО пандемијата со Ковид-19 ќе трае и во 2022 година

Ана Ололовска