Министерот за цивилна заштита на Грција и специјални единици за справување со кризи заминаа за Крит

Од:

Министерот за цивилна заштита на Грцијa Христос Стилијанидис, неговиот заменик и генералниот секретар од Министерството, како и специјални единци за справување со катастрофи, со опрема, кучиња и дронови од Атина заминаа за островот Крит, по земјотресот од 5,8 степени во кој животот го загуби едно лице, повредени се деветмина, а предизвикана е материјална штета, јави дописничката на МИА од Атина.

Портпаролот на грчката Влада Јанис Иконому на денешниот редовен брифинг со новинарите рече дека уште од првиот момент бил активиран државниот механизам.

-За жал, ја имаме информација за загубата на еден наш сограѓанин. Се чини дека досега немаме заглавени граѓани. Оние кои беа заглавени се пренесени во болница, а здравствените власти се справија со проблемите. Надлежни единици на Министерството за инфраструктура веќе започнаа контроли и доколку е потребно, дополнителни сили ќе заминат на Крит. Целиот државен механизам е на готовност, како и сите надлежни министерства, во рамките на нивните одговорности, за да им помогнат на локалните власти и да помогнат во санирањето на штетата и справување со било какви негативни последици, рече Иконому.

Од Министерството за цивилна заштита на Грција соопштија дека веднаш бил спроведен соодветниот план во случај на земјотреси и активирани сите сили на цивилната заштита, противпожарната служба, полицијата, брзата помош, службите на локалната самоуправа, а на островот заминала и единици од Секретаријатот за справување со последиците од природни катастрофи од Министерството за инфраструктура.

Со наредба на началникот противпожарната служба на Грција, со два авиони од Атина за Крит заминаа и припадниците на два тима на специјалната единици за справување со катастрофи со специјална опрема за спасување, кучиња и дронови.

Од противпожарната служба соопштија дека нивни возила патролираат во деловите каде што се случи земјотресот.

Би можело да ве интересира

Прва жртва од невремето во Грција

Втор ден невреме во Грција, еден исчезнат на островот Евија

Грција се подготвува за бурна ноќ, превентивно затворени два булевари во Атина

А1он

Дендијас: Грција е прва земја членка на ЕУ од ЈИЕ и се обврзува да го внесе Западен Балкан во Унијата

А1он

Алармантна состојба во Грција, поради невремето утре затворени училиштата во Атина и Халкидики

А1он

Невремето „Балос“ предизвика проблеми во Грција, делови на Атина под вода

А1он