Минимална предност за ГЕРБ на Борисов на изборите во Бугарија

Од:

Со обработени 89,14 проценти од гласовите на парламентарните избори во Бугарија, коалицијата ГЕРБ-СДС има добиено 24,01 проценти од гласовите, објави Централната изборна комисија на Бугарија.

Политичката партија „Има таков народ“ (ИТН) има 23,48 проценти од гласовите; „БСП за Бугарија“ – 13,65 проценти, „Демократска Бугарија“ – 12,60 проценти; Движење за права и слободи – 10,61 проценти; „Исправи се! Мафијата надвор!” – 5,04 проценти.

По области, ИТН добива помеѓу 9,04 и 32,74 отсто, со највисок резултат во Плевен. ГЕРБ помеѓу 18 и 33 отсто, а во Габрово, Ќустендил и Перник се највисоки.

ДБ добива помеѓу 4,42 и 33,06 отсто гласови, со најголема поддршка во градот Софија.

Излезноста во 16 часот била 27,20 отсто.

Најобразованите луѓе во Бугарија ја избираат ГЕРБ, Демократска Бугарија и „Има таков народ“ . Според возраста, младите гласачи на возраст меѓу 18 и 30 години најчесто гласале од ИТН. Жените претпочитаат ГЕРБ-СДС и БСП. ДБ е поддржана претежно во главниот град.

За новинската агенција Ројтерс, предвремените парламентарни избори, одржани на 11 јули во Бугарија, завршија без јасен победник додека пак АФП наведува дека гласачите вчераја казнија партијата на премиерот Бојко Борисов, обезбедувајќи победа на новата, предводена од Слави Трифонов, партија. Тие гласаа масовно за оваа и за сличните антисистемски партии. АФП во својата анализа го нагласува гласот на протестот.

Би можело да ве интересира

Средба Заев – Ајкхорст: Со Бугарија ќе продолжиме да бараме европско решение што ќе овозможи двојна победа

А1он

Бугарската телеграфска агенција предлага балканските агенции да формираат „Балканска соба за вести“

А1он

Бугарскиот претседател Румен Радев ја претстави новата привремена влада

Бугарскиот министер за одбрана учествуваше во евакуација на Авганистанците кои работеа за Софија

А1он

Путин со порака од изолација пред изборите: Граѓаните да ја покажат својата љубов кон татковината

А1он

Јанев: Привремената Влада го заштити националниот интерес во однос на позицијата за Македонија

А1он