Независно од ограничувањата и тешката година поради пандемијата со Ковид-19, албанските граѓани не се откажале од желбата да ја напуштат земјата и да побараат азил во некоја од земјите членки на ЕУ, иако поради затворањето на границите тој број е помал споредено со претходната.
Податоците на Европската канцеларија за азил покажуваат дека минатата година за азил аплицирале околу 6.500 албански граѓани, наспроти 20.000 колку што апликации имало претходната година.
-Најмал број апликации е евидентиран во месеците март и април, што се совпаѓа со времето кога земјата беше во карантин, но приливот се зголемва од јуни. Само во декември имало околу 460 апликации, од кои 289 се за првпат. Од разгледаните 8.700 барањата, дел од нив од претходната година, лани, статус на бегалец добиле 125 албански граѓани, стои во извештајот.
Во последните извештаи на Европската канцеларија за азил, Албанија се најде на второто место според барањата за азил во однос на населението, оставајќи ја зад себе само Сирија, при тоа 75 отсто од Албанците кои бараат азил во земјите на Европската унија се помлади од 34 години.