Мицотакис во Атина го прими Мас, разговараа за тензиите со Турција

Од:

Односите со Турција и последните случувања во Источниот Медитеран беа во фокусот на средбата на грчкиот премиер Кирјакос Мицотакис со шефот на германската дипломатија Хајко Мас.

На почетокот на средбата, Мас рече дека особено изненадува она што го гледаат од Турција во изминатите денови и е спротивно од согласеното, односно во клима на доверба, преку дипломатски средства да се направи обид за олабавување на тензиите.

– Затоа, имам големо разбирање ако сега во Атина преовладува, не само изненадување, туку и гнев, бидејќи повторно, ова не е првпат, со провокациите од турска страна, прекинато е она што првично го планиравме. Како и да е, морам да ви кажам дека врз основа на одлуките донесени на Советот, сметам дека имаме само една можност, а тоа е дијалогот, да стигнеме до некои резултати, рече Мас.

Грчкиот премиер порача дека на Европскиот совет, Турција добила јасна опција. Или да ги обнови односите со Европа или да се соочи со последиците.

– За жал, се чини дека, засега, Турција го избра вториот пат. Треба да запаметиме дека во параграфот 21 од заклучоците на Советот, јасно ставивме до знаење дека во случај да продолжат едностраните активности и провокации од страна на Турција во кршењето на меѓународното право, ние, како Европска унија, ќе ги искористиме сите достапни алатки и сите опции што ги имаме на располагање. Внимателно ќе ги следиме случувањата и ќе донесеме соодветни одлуки најдоцна до декември, објасни Мицотакис.

Тој додаде дека под актуелните околности, Грција нема да оди на разговори со Турција.

Министерот за надворешни работи на Германија, по средбата со Мицотакис, разговараше и со неговиот грчки колега, Никос Дендиас.

Би можело да ве интересира

Судот од Стразбур ја осуди Турција за затворањето новинар без веродостојни факти

Ана Ололовска

Дендиас: Турција уништува секаква перспектива за дијалог и не остава простор за позитивна агенда на Европскиот совет

Ана Ололовска

Карантинот во Грција нема да заврши на 30 ноември

Ана Ололовска

Двајца грчки пратеници подготвени како лекари да се вклучат во битката со пандемијата

Ана Ололовска

ВИДЕО: Германски војници упаднаа на турски брод во Медитеранот, Анкара гневна

Жарко Настоски

Во Грција регистрирани 1.388 нови случаи, починаа 84 лица од Ковид-19

Жарко Настоски