Мицотакис најдоцна до утре ќе ги соопшти одлуките за задолжителна вакцинација во одредени сектори

Од:

Неопходен е премин во третата фаза од нашата стратегија за вакцинирање, па така, до утре, премиерот ќе ги соопшти одлуките на Владата што се однесуваат на задолжителна вакцинација во конкретни области, како и рамката за работа на затворените делови, рече портпаролката на грчката Влада Аристотелиа Пелони на денешниот редовен брифинг со новинарите.

dobivaj vesti na viber

Според првичните официјални најави од пред две седмици, од 15 јули ќе биде дозволена работа и во внатрешните делови од угостителските објекти, а сопствениците ќе треба да одлучат дали ќе бидат „чисти“ односно само за вакцинирани или пак „мешани“.

Грчките медиуми пишуваат дека поради зголемениот број нови случаи, не е исклучена можноста, да има промени на првичната одлука, па сите затворени простори да бидат „covid free“, односно само за вакцинирани.

Сепак, конечните одлуки, како за задолжителната вакцинација, така и за начинот на работа на кафулињата и рестораните во внатрешните делови, ќе ги соопшти грчкиот премиер.

За епидемиолошката состојба во Грција, Пелони рече дека главна карактеристика на новите случаи е дека се откриени кај младите, а 75 отсто се на возраст до 34 години, а најголемиот дел се меѓу 15 и 24 години.

Во однос на делта сојот, посочи дека 70 проценти се кај лица до 40 години, а од вкупниот број случаи, кај 13 проценти била потребна хоспитализација и никој не бил целосно вакциниран.

Би можело да ве интересира

Намален бројот на починати и заразени со Ковид-19 во Грција

Намален бројот на починати и заразени со Ковид-19 во Грција

Над 130.000 заразени и 241 починат од Ковид-19 за една седмица во Грција

Зголемен бројот на случаи на Ковид-19 во туристичките делови на Грција

Грција ги укинува речиси сите рестриктивни мерки за Ковид-19

Продолжено времетраењето на сертификатите во внатрешноста на Грција