Мицотакис најави нови мерки за справување со вториот бран на Ковид-19

Од:

Грчкиот премиер Кирјакос Мицотакис во неговото обраќање на почетокот од денешната владина седница, говорејќи за ситуацијата со новиот коронавирус најави нов акциски план во траење од еден месец и уште еднаш повтори дека намерата е да се избегне целосен карантин, јави дописничката на МИА од Атина.

Грчкиот премиер избегна да даде детали за мерките, но објасни дека новиот едномесечен план е базиран на досегашните процеси на откривање на нови случаи и на тоа кои економски активности предизвикуваат поголеми, а кои помали проблеми и ширење на коронавирусот.

– Од денеска, мора да се донесат некои вонредни одлуки. Солун, Лариса и Родопи влегуваат во црвената фаза, што значи дека се затвораат повеќето активности, освен, продавниците и училиштата. Повторно ќе кажам, нашата цел останува избегнување на целосен карантин, затоа ќе одиме на дополнително зајакнување на наменските ограничувања, рече Мицотакис и додаде дека следните 15 дена се клучни.

Тој истакна дека ситуацијата во Грција е подобра од останатите земји во Европа и дека веројатно е две до три седмици поназад од она што сега се случува во другите европски држави.

Мицотакис на владината седница, која и понатаму се одржува преку видеоконференција, рече дека здравствениот систем е под најголем притисок досега.

Би можело да ве интересира

Тело на мртов маж најдено во Јанина, околу главата и нозете му биле врзани вреќи со ѓубре

Горан Наумовски

Се урна грчки борбен авион, пилотот е спасен

Свештеникот од Солун е осомничен дека ги оштетил верниците за повеќе од еден милион евра

30.000 луѓе на улиците во Грција на годишнината од страшната железничка несреќа, избувна нереди

Герапетритис: Потребно е доследно, строго и целосно почитување на Договорот од Преспа

Орце Костов

Земјотрес во Грција