Претседателот на Србија, Александар Вучиќ се сретна со грчкиот премиер, Кирјакос Мицотакис, кој кажа дека Грција нема да го промени својот став кога станува збор за признавањето на Косово.
Вучиќ и Мицотакис вчера вечер разговарале за билатералните односи, ситуациите во регионот и европскиот пат на Србија.
Претседателот на Србија го замолил Мицотакис, Грција да не го смени својот став за непризнавањето на Косово како независна држава, истакнувајќи дека тоа за Србија е од пресудно значење, се наведува во соопштението.
Мицотакис истакнал дека Грција го поддржува дијалогот, не дека смета дека едностраните потези не придонесуваат, како и дека Грција нема да го промени ставот кога е во прашање независноста на Косово, пишува во соопштението.
Вучиќ истакнал дека српскиот и грчкиот народ ги врзува искрено пријателство, нагласувајќи дека е неопходно да се работи на јакнењето на економската соработка.
Тој се заблагодарил на Грција за поддршката која и ја дава на Србија на патот кон ЕУ, како и на поддршката на дијалогот меѓу Белград и Приштина и му честитал на Мицотакис за победата на изборите.