Мицотакис ја остави отворена можноста вакцинацијата на здравствените работници да биде задолжителна

Од:

Верувам дека подоцна, во неутрално време, на есен треба да се отвори дискусија за задолжителна вакцинација на здравствените работници, рече грчкиот премиер Кирјакос Мицотакис во интервјуто за грчката телевизија „Стар“, јави дописничката на МИА од Атина.

Грчкиот премиер објасни дека во оваа фаза не сака да создава „извори на тензии во болниците“, но во септември ќе мора прашањето одново да се разгледа од друга перспектива, кога нема да биде толку голем притисокот врз здравствениот систем,

-Мора апсолутно јасно да ставиме до знаење дека не може да бидеш здравствен работник, да имаш света мисија да се грижиш за нашите сограѓани кои се болни, а ти самиот да не бидеш заштитен и со тоа што не се заштитуваш самиот си во опасност, но и си во опасност да го шириш вирусот во простор што е наменет за здравствени услуги. Така да, мислам дека треба да се отвори дискусија. Не сакам да се отвори сега, но верувам дека во неутрално време, на есен, мора ова прашање повторно да го разгледаме од почеток, истакна Мицотакис и паралелно упати апел до постарите граѓани да се вакцинираат што е можно побргу.

Според грчките медиуми, вакцинирани се 70 отсто од лекарите, меѓутоа 50 отсто, односно еден од двајца болничари, медицински сестри и останат персонал во болниците, одбиле да ја примат вакцината.

Мицотакис во интервјуто за „Стар“, уште еднаш, категорично ја отфрли можноста за предвремени избори, објаснувајќи дека неговата одлука е да го исцрпи четиригодишниот мандат што во јули 2019 година го доби од граѓаните.

Би можело да ве интересира

Црна Гора ги укина скоро сите рестриктивни мерки, бројот на болни преполовен за еден месец

Жарко Настоски

Османи: Немаме вакцини и ни умираат луѓе, не можеме сега да разговараме со Србија

Жарко Настоски

Експертите загрижени: Во Британија се појави и индиска мутација на коронавирусот

Жарко Настоски

Вучиќ: „Торлак“ ќе биде најдобрата фабрика за вакцини во Европа, вложуваме десетици милиони евра

Жарко Настоски

Продолжен рокот за пријавување на новинари и на медиумски работници за вакцинација против Ковид-19

Жарко Настоски

ВИДЕО: Шефицата на данската агенција за лекови се онесвести пред камерите

Жарко Настоски