Мицотакис: Гледам да ги подобрам аспектите на Договорот од Преспа кои предизвикуваат проблеми

Од:

Предизборно направив сѐ за да го спречам договорот, но и со целосна искреност предупредив дека ако се потпише, ќе биде тешко да се поништи, сега гледам да ги подобрам аспектите на Преспа, кои предизвикуваат проблеми, вели грчкиот премиер Кирјакос Мицотакис за весникот „То Вима“.

Како јави дописничката на МИА од Атина, во опширното интервју во денешното издание на весникот, Мицотакис, меѓу останатите теми, говори и за критиките дека по изборите го променил ставот за Договорот од Преспа и направил „салто“ во конкретното прашање.

– Гледам да ги подобрам аспектите на Преспа кои предизвикуваат проблеми. Затоа, мојата влада ги поддржа производителите од Северна Грција да го обезбедат македонскиот бренд. Претходната влада не го стори тоа. Јас се видов со Заев и му реков: „види, сакам добрососедски односи, но нема да прифатам погрешни толкувања за идентитетските прашања што се поврзани со Грција“. И секогаш поддржував дека треба да се задржи отворен европскиот пат на Западен Балкан. Каде точно е салтото? Оние што се повикуваат на тоа, веројатно се зашеметени од нивните салта. Јас останувам на мојата должност: со Договорот што веќе постои и економијата што одново застанува на свои нозе во Грција, работам за одново да добиеме лидерска улога на Балканот, вели Мицотакис во интервјуто.

Би можело да ве интересира

Пецас: Не постои никаков проблем околу ратификацијата на трите договори со Северна Македонија

Ана Ололовска

Ципрас ѝ препорача на актуелната грчка Влада да се придржува до Договорот од Преспа

Ана Ололовска

Ципрас: Мицотакис им должи извинување на Грците што ги измами и ги наполни со лаги, омраза и поделби за Договорот од Преспа

Ана Ололовска

ВИДЕО: Промовиран Преспа форум за дијалог – проект бренд на нашата држава

Ана Ололовска

Во село во северна Грција подигнат споменик за протестите против Договорот од Преспа

Ана Ололовска

Историја, храброст, чудата се можни – пораки по повод двегодишнината од потпишувањето на Договорот од Преспа

Ана Ололовска