Мицотакис: ЕУ нема да прифати решение за Либија доколку не се повлече договорот со Турција

Од:

Европската Унија нема да се согласи на политичко решение на либискиот конфликт доколку Турција и Либија не се откажат од договорот за делимитаризација на поморските граници, што беше потпишан во ноември, изјави грчкиот премиер Киријакос Мицотакис.

Меѓународно признатиот либиски премиер, Фајез Сараџ, неделава изјави дека неговата земја ќе се најде пред „катастрофална ситуација“ доколку странските сили не извршат притисок врз генералот Калифа Хафтар да ја крене нафтената блокада, пренесе БТА.
Сараџ во ноември го потпиша договорот со Турција, што за цел има создавање посебна економска зона од средоземноморското крајбрежје на Турција до североисточното крајбрежје на Либија.
Грција тврди дека договорот е невалиден и го нарушува меѓународното поморско право.

Во дискусија на Светскиот економски форум во Давос, Мицотакис кажа дека пред сите засегнати страни кажал дека никакво политичко решение за Либија нема да добие согласност од ЕУ доколку договорите со Турција не бидат повлечени.

Европската унија, исто така, се изјаснува против договорот меѓу Турција и Либија за поморскиот простор, посочува БТА

Би можело да ве интересира

Вучиќ: Со Ердоган договоривме изградба на индустриска зона во Војводина

Пациентите кои немаат Ковид-19, а се на интензивна нега во грчките болници, доколку е потребно ќе се префрлаат во приватни клиники

Ана Ололовска

Анкета: Две третини од Грците загрижени за пандемијата, 74% убедени дека мора да се носи маска

Ана Ололовска

Турција ја обвинува Грција дека депортира мигранти без процедура за азил, а ЕУ се прави дека не гледа

Ана Ололовска

Мицотакис: Маската е вакцина, додека не дојде вакцината

А1он

Турција: До две години затвор за заразените кои ќе дадат неточни податоци за контактите

А1он