Мета: Состојбата со корупцијата многу сериозна и бара итен одговор

Од:

Албанскиот претседател Илир Мета реагираше на последниот извештај на Транспаренси Интернешнал за индексот на перцепција на корупцијата во кој Албанија има уназадување во однос на другите земји во регионот, и состојбата ја оцени како „многу сериозна и бара итно, ефективно и одговорно справување“.

dobivaj vesti na viber

– Доста е од корупција! Доста е од неказнивост! Додека државите Северна Македонија и Косово постигнаа значителен напредок во борбата против корупцијата, состојбата во нашата земја продолжува да се влошува. Во годишниот извештај на престижната Транспаренси Интернешнл, за индексот на перцепција на корупцијата во светот, Албанија има пад од еден поен во однос на минатата година, од 36 на 35 поени, стои во реакцијата на Мета.

Според Мета, овие податоци, за жал, во целост се во согласност со општото убедување и перцепција на граѓаните, но и со предупредувањата кои долго време ги упатувал тој.

– Долго предупредувам за ниското ниво на демократија во државата, непочитувањето на слободите и правата, употребата на пандемијата за зајакнување на авторитаризмот, недостатокот на отчетност на сите нивоа, злоупотребата на јавните средства преку концесии, јавно приватното партнерство, страшна ситуација која продолжува да ја убива надежта и да принудува се повеќе Албанци да ја напуштат земјата, да ја градат својата иднина надвор од Албанија, посочува тој.

Во врска со ова реагираше и лидерот на опозициската Демократска партија, Љуљзим Баша, според кого извештајот на Транспаренси Интернешнл за 2021 година потврдува дека „непријател на благосостојбата на Албанците е корупцијата“.

– Борбата против корупцијата денес е наш национален интерес, да ја ослободиме државата и нејзините институции од корумпираните. Иако мал грст луѓе се обидуваат да ја држат иднината како заложник, таа сега им припаѓа на Албанците, стои во објавата на Баша.

Извор: МИА

Би можело да ве интересира

Средба Вархеји- Џачка

Ана Ололовска

Албанија: Нема кандидатура за претседател, утрешниот прв круг на гласање пропадна

Албанскиот Парламент гласаше против усвојување резолуција за признавање на геноцидот во Сребреница

А1он

Конференцијата за одржлив развој на туризмот во Тирана: Ни треба регион отворен за нови пазари и иновативни идеи

Ана Ололовска

Финалето на Конференциската лига ги „полуде“ цените во хотелите во Тирана, ноќевање чини од 303 до 1.900 евра

А1он

Рама повтори дека СПАК треба да почне истрага за Бериша

А1он