Мета: Мрачната прогноза на ММФ за економскиот раст на Албанија аларм за Владата, Собранието и општеството

Од:

Албанскиот претседател, Илир Мета, реагираше на извештајот на ММФ за прогнозата за економскиот раст во земјата, оценувајќи дека тој покажува колку е сериозно прашањето.

Ситуацијата, смета тој, претставува предупредување за владата, Собранието и општеството.

– Мрачната прогноза на ММФ за економскиот раст на Албанија за оваа година е сериозна загриженост и аларм за Владата, Собранието и целото општество. Се предвидува намалување од 2,5 процентни поени од 4,5 колку што беа очекувањата. Со стапка на раст од 2 отсто за оваа година и која може да бележи и понатамошен пад, Албанија има најнизок раст во регионот, кој може да деградира во економска стагнација, напиша Мета на објава на Фејсбук.

Според него бројките со намалување на очекуваниот економски раст од 2,5 отсто се пониски од намалувањето на глобално ниво за 2022 година, кое се очекува да биде само 0,5 отсто.

– Блокатори на економскиот раст на државата се финансирањето на непродуктивните инвестиции од буџетот, ниската ефикасност на инвестициите поради корупција, која ја нагризува нивната вредност, забраната за приватни инвестиции во енергетиката, монополизацијата на економијата и последиците од галопирачкиот раст на цените, констатира Мета.

Извор: МИА

Би можело да ве интересира

Само Албанија е понесреќна земја од Македонија во регионот: ООН го објави извештајот за среќа

Орце Костов

Зетот на Трамп објави фотографии од луксузни архитектонски проекти за Србија и Албанија

Земјотрес во Албанија

Со еден клик до работни места во Србија и Албанија: Нова можност за македонските граѓани

Орце Костов

ВИДЕО: Повторно хаос во албанскиот парламент, сесијата заврши предвреме поради немири

МФ: ММФ го објави извештајот од Мисијата за член IV и ПЛЛ – Економијата зајакнува поттикната од јавните инвестиции, инфлацијата се намалува, се остваруваат фискалните цели