Медојевиќ: Нема да има реконструкција на Владата на Црна Гора

Од:

Претседателот на Движењето за промени, Небојша Медојевиќ оцени дека нема да има реконструкција на Владата на Црна Гора и дека сегашната ситуација може да се реши само преку избори.

Тој на прес – конференција рече дека премиерот Здравко Кривокапиќ и актуелната влада не можат да одговорат на предизвиците.

– Како дел од компромисот, ние се согласивме на реконструкција во согласност со изборните резултати, но гледате дека тројца пратеници сакаат да владеат со Црна Гора и тие тоа го попречуваат, рече Медојевиќ, пренесува РТЦГ.

Тој изјави дека верува дека УРА тајно преговара со Демократската партија на социјалистите (ДПС).

– Мислам дека тие купуваат време и дека ќе излезат на избори со здраво јадро на ДПС или ќе побараат од малцинските партии да формираат нова влада, малцинска, која би се состоела од Социјалдемократите, Социјалдемократската партија и ДПС, рече Медојевиќ.

Според него, моменталната ситуација единствено може да се реши со избори.

Би можело да ве интересира

Нов земјотрес e регистриран во Црна Гора

Нов земјотрес ја погоди Црна Гора

Нов земјотрес во Црна Гора

Нов земјотрес во близина на Никшиќ

ВИДЕО: Први снимки од земјотресот во Црна Гора

30 последовни земјотреси регистрирани по главниот удар во Црна Гора

Катерина Ѓуровски