Францускиот претседател Емануел Макрон на почетокот на своето обраќање му се заблагодари на претседателот Вучиќ за топлото добредојде и истакна дека му е мило што со својата делегација e во Србија.
„Би сакал денеска со моето присуство да испратам порака за пријателство од Франција до Србија и најодлучно да објавам дека вашата земја има место во Европа, во Европската Унија“, рече Макрон.
Тој изјави дека во последните пет години односите меѓу Србија и Франција доживеале нов подем.
„Нашата економска соработка е зајакната. Француските компании се вклучија во долгорочни инфраструктурни проекти како што се белградското метро, модернизацијата на аеродромот „Никола Тесла“, каде утре ќе ги прославиме успешно завршените работи, модернизацијата на електродистрибутивната мрежа, управување со отпад и соработка во областа на здравството“, истакна Макрон.
Потенцира дека економските активности се сè побројни во двете насоки и дека постигнуваат поголеми успеси, што го покажаа разговорите во Белград во јуни и во Париз на почетокот на август на маргините на Олимписките и Параолимписките игри.