Македонски државјани учествувале во киднапирање на Албанец

Од:

Албанската полиција трага по двајца македонски државјани, кои заедно со уште тројца албански нарко дилери го киднапирале Евар Красниќи од тиранската населба Фарк, поради нерасчистени сметки од трговија со дрога.

Во четвртокот ноќта тие насилно го земале од дома Красниќи и со неговиот автомобил го принудиле да заминат во Паскуќан.

– Причина за киднапирањето се  нерасчистени сметки меѓу учесниците во случката. Полицијата потврдува дека Красниќи имал улога на посредник во шверцот на дрога, која доаѓала од селото Лазарат во правец на Тирана, а со дестинација Македонија, пренесува весникот „Газета шќиптаре“.

Според полицијата Евар Красниќи требало да им предаде дрога која требало да биде прошверцувана за Македонија. Но фактот што дрогата не им била испорачана на потребното место и опредленото време, а за тоа веќе му имале исплатено поголема сума на пари, петмината се одлучиле да го киднапираат.

По дојава од неговите домашни полицијата по четири часа од киднапирањето го ослободила Красниќи. Уапсените Емилиано Муја (21), Ермир Муја (19) и Перпарим Халилај (24), македонските државјани, чиј идентитет не се соопштува, успеале да побегнат.

Би можело да ве интересира

Дознаките на албанските иселеници минатата година 1,1 милијарда евра или 10 отсто од БДП

И Партијата на Грците во изборна коалиција со Бериша

Ана Ололовска

Албанија: Нападот на синагогата во Ерусалим е страшен терористички акт

Ана Ололовска

ИНСТАТ: Над 7,5 милиони странски туристи ја посетиле Албанија минатата година

Ана Ололовска

Давид Ј. Костеланчик ќе биде новиот американски амбасадор во Албанија

А1он

Бериша: Државата има само едно решение – револуција

Ана Ололовска