Обвинителството во Белград поднесе обвинение против карате тренерот З.Б. (57) од Македонија заради обљуба на 13 годишно девојче кое го тренирал.
Српските медиуми пишуваат дека мајката се сомневала дека нешто се случува меѓу детето и тренерот, па го проверила телефонот на девојчето кој според неа бил полн со експлицитна и директна преписка и која што укажувала дека меѓу нив имало сексуален однос.
Слични пораки се најдени и во лаптопот на З.Б., а со гинеколошки преглед е утврдено дека девојчето имало сексуални односи, по што случајот е пријавен во полиција, а обвинетиот го негира делото и вели дека се му е подметнато.