Романскиот претседател Клаус Јоханис денеска соопшти дека со својот полски колега Бронислав Коморовски се договориле во текот на есента во Букурешт да се организира средба на шефовите на држави и влади од регионот за подготовка на самитот на НАТО, што ќе се одржи во Варшава во 2016 година, пренесе Аџерпрес.
– Заедно со претседателот Коморовски се договоривме во текот на есента во Букурешт да организираме нова средба на ниво на шефови на држави и влади во форматот што во јули минатата година се оддржа во Варшава. Сметаме дека тоа е еден формат што ја засилува регионалната соработка и е еден многу важен инструмент за подготовка на самитот на НАТО во Варшава во 2016 година, посочи романскиот претседател на заедничката прес-конференција со Коморовски.
Тој дополни дека, заедно со останатите шефови на држави и влади од регионот, им претстои договор за конкретниот датум за оваа средба.
– Средбата со сигурност ќе придонесе за подобрување на кохезијата во регионот и за хармонизирање на нашите гледни точки во однос на подготовката на средбата на врвот на НАТО, забележа уште Јоханис, кој од вчера се наоѓа во тридневна посета на Полска.