Лидерите на земјите од Западен Балкан утре се среќаваат во Тирана

Од:

Во Палатата на бригадите во Тирана утре ќе се одржи Самит на земјите од Западен Балкан.

Со самитот ќе претседава албанскот премиер Еди Рама, а ќе учествуваат евокомесарот за проширување и добрососедство, Оливер Вархеји, претседателот на Црна Гора, Мило Ѓукановќ, како и премиерите на Северна Македонија, Зоран Заев, на Косово, Албин Курти, на Србија, Ана Брнабиќ, на Босна и Херцеговина, Зоран Тегелтија.

На лидерите од Западен Балкан ќе им се придружат и генералниот секретар на Советот за регионална соработка Мајлинда Брегу, директорот на секретаријатот на ЦЕФТА, Емир Ѓикиќ, како и Љуба Силјаноска, заменик директорка на Постојниот секретаријат на Транспортната заедница на ЈИЕ (Албанија, Бугарија, БиХ, Косово, Северна Македонија, Србија и Црна Гора).

Според најавата, на самитот ќе стане збор за текот на евроинтеграцискот просец на регионот а ќе биде анализирана и инфраструктурата која го поврзува Западен Балкан, финансиската подршка и инвестициите од ЕУ.

Предвидена е заедничка прес-конференција на Рама и Вархеји, а по работниот ручек на кој ќе се разговара за заживување на економијата во Западен Балкан по пандемијата, ќе биде потпишана заедничка изјава за продолжување на европската агенда.

-Како што е познато на 22 јуни лидерите на ЕУ мора едногласно да одлучат дали Албанија и Северна Македонија заслужуваат датум за одржување на првата меѓувладина конференција и покрај фактот дека ставот на Бугарија кон нашиот сосед сè уште не е јасен, стои во веста на Ора њуз.

Се додава дека интеграцијата на регионот во ЕУ се смета и за начин да се спречи руското и кинеското влијание во Западен Балкан.

Би можело да ве интересира

Инвеститорите бегаат од Албанија – таа е една од најкорумпираните држави во Европа, порачува Стејт департментот

Жарко Настоски

Во Албанија 21 случај со Делта-сој, од нив шест вакцинирани

Ана Ололовска

Италијанскиот бизнисмен Бечети го доби спорот со Албанија на Арбитражен суд

Ана Ололовска

Ким: Лажат оние што велат дека правосудната реформа не е ништо

Ана Ололовска

Делта сојот и официјално потврден во Албанија

Ана Ололовска

Албанија: За пет години ветинг разрешени 155 судии и обвинители, 56 сами поднеле оставки

Ана Ололовска