Леши повеќе не е во армиска служба, се очекува Мета да го назначи за министер

Од:

Албанскиот претседател Илир Мета потпиша указ со која го ослободува бригадниот генерал Сандер Леши од активна воена служба, со што се отвора патот шефот на државата да ја потпише уредбата со која тој ќе биде именуван за министер за внатрешни работи на Албанија, за што рокот истекува на полноќ.

Указот Мета ја потпиша по добиениот предлог од Министертвото за одбрана за ослободување на Леши од активна служба.

Пред неговото влегување во претседателската резиденција на новинарско прашање дали ќе стави потпис на уредбата со која Леши ќе стане министер, Мета кусо одговори: „Има време до вечер, сега одам во канцеларија“.

Мета во неколку наврати изјави дека многу добро го познава Уставот и сопствените надлежности, дообјаснувајќи дека за министер не може да биде именувано лице кое е во активна армиска служба.

Леши претходно достави и лично барање до шефот на државата за ослободување од обврските во армијата.

Со одлука на Владата на премиерот Еди Рама, Леши моментно ја извршува функцијата заменик министер за внатрешни работи со надлежности на министер.

Би можело да ве интересира

Само Албанија е понесреќна земја од Македонија во регионот: ООН го објави извештајот за среќа

Орце Костов

САД ја истражува „Мета“ за нејзината улога во илегалната трговија со дрога

Зетот на Трамп објави фотографии од луксузни архитектонски проекти за Србија и Албанија

Земјотрес во Албанија

Со еден клик до работни места во Србија и Албанија: Нова можност за македонските граѓани

Орце Костов

ВИДЕО: Повторно хаос во албанскиот парламент, сесијата заврши предвреме поради немири