Русија беше пријател со Грција сè додека Атина не се потчини на „американските барања“, изјави шефот на руската дипломатија Сергеј Лавров.
– Забележавме трансформација во нејзиното раководство. Беше принудено или договорено да ги исполни американските барања. Ги донесовме нашите заклучоци за оние кои со задоволство ја поддржуваат агресијата врз Русија, се наведува во изјавата на Лавров објавена на Твитер налогот на Руската амбасада во Атина.
Грчкиот весник Катимерини истакнува дека со овој твит Лавров го изразува своето незадоволство преку Руската амбасада во Атина, реагирајќи без преседан на ставот што Грција го зазеде во однос на руската војна во Украина.
Извор: МИА