Лабуристите повторно победија на парламентарните избори на Малта

Од:

Малтешките владејачки лабуристи прогласија трета победа по ред на вчера одржаните парламентарни избори, при што опозициската централно-десничарска Националистичка партија го призна поразот.

На Лабуристичката партија во кампањата за изборите и одеа во прилог неколку фактори: силната економија и управувањето со кризата со Ковид-19, при што владата великодушно им помагаше на бизнисите и на потрошувачите.

-Индикаторите јасно покажуваат дека Лабуристичката партија освои големо мнозинство. Ние сме повеќе од почестени од резултатот, изјави премиерот и лидер на лабуристите Роберт Абела.

„Малта ни даде силен мандат“, кажа потпретседателот на партијата Даниел Микалеф.

Ова ќе биде првиот изборен мандат за Абела, кој стана лидер на партијата и премиер на малта во јануари 2020 година, заменувајќи го дотогашниот премиер Џозеф Мускат, кој се повлече од функцијата поради драстично нарушениот углед на партијата по атентатот во 2017 година на истражувачката новинарка Дафне Каруана Галиција, која ја разоткри корупцијата и нејзините врски со лабуристите.

Убиството на новинарката ја шокираше Малта и светот, а поради обидите да се влијае на истрагата, Мускат мораше да поднесе оставка од премиерската функција на почетокот на 2020 година.

Извор: МИА

Би можело да ве интересира

Млад Македонец загина на Малта

Горан Наумовски

Наградата Дафне Каруана Галиција доделена на филмот за руското влијание во Африка

Ана Ололовска

Малта: Започна судски процес против двајца браќа обвинети за убиство на новинарка пред 5 години

Ана Ололовска

Почина четиригодишно девојче, загубила свест при пад од чамец во Средоземното море

А1он

Католички свештеник од Малта потрошил 150.000 евра на порно сајтови: „Бев во криза“

Ана Ололовска

По Малта и Луксембург ќе ја легализира марихуаната

А1он