Курти: Србија не не мрази само нас зашто сме Албанци, туку и другите бидејќи не се Срби

Од:

Лидерот на Движењето Самоопределување (ВВ) Албин Курти изјави денеска дека Србија не ги мрази само Албанците затоа што се Албанци, „туку и другите зашто не се Срби“.

Во објава на својата страница на Фејсбук, по повод 100-годишнината од завршувањето на Првата светска војна, Курти напиша дека „шест години откако го окупира Косово“, по завршувањето на таа војна, „Србија ја анектира и Војводина“.

– Првата Југославија беше монархија и се формира како платформа за Голема Србија. „Кај што има Србин, таму е Србија“ не беше анализа на факти туку хегемонистички проект. Така почна колонизацијата на просторите на поранешна Југославија по пат на населување на Срби и експропријација на имотите на другите. Србија од Косово протера Албанци во Турција, но и од Војводина протера Германци и Унгарци. Значи, Србија не не мрази нас зашто сме Албанци, туку и другите бидејќи не се Срби, напиша Курти.

Во оваа негова рекапитулација на однесувањето на Србија во минатото столетие, лидерот на ВВ пишува дека пред три денцении, „со војската и полицијата на поранешна Југославија, Србија изврши агресија врз Косово, потоа врз Словенија, па врз Хрватска, по неа врз Босна и Херцеговина и на крај уште еднаш врз Косово“.

– Белград, како главен град на поранешна Југославија, за да ја создаде Голема Србија, ја растури Втората Југославија, бидејќи и се чинеше не баш злоупотреблива. „Кај што има српски гроб, таму е Србија“, викаа српските академици и свештеници. Така, Србите требаше да умираат, убивајќи и откако ќе убијат Хрвати, Бошњаци и Албанци. Убиени се 160.000 несрби, милиони луѓе станаа бегалци, пишува Курти.

По растурањето на Втората Југославија, истакнува тој, Србија продолжи и со растурање на нејзините конститутивни единици односно на републиките на поранешната СФРЈ, една по друга.

– Се обиде да ги растури нив одвнатре со правни конструкции и паралелни структури кои републиките ги претвораат во нефункционални држави. Во Хрватска не и успеа. Во Босна ја инсталира Република Српска. Во Косово се обидува да ни ја намести Заедницата (на општини со мнозинско српско население), посочува Курти.

Србија, според лдерот на ВВ, „и сега е голема, бидејќи ги има во свои рамки Војводина, Санџак, Прешевската Долина и Тимочката Краина“.

– Значи, Србија во свои рамки ги има Нови Сад и Суботица, Нови Пазар и Пирот, Прешево, Медвеѓе и Бујановац. Тие Косово го нарекуваат Косово и Метохија, а токму самите себе треба да се нарекуваат Србија, Војводина, Санџак, Прешевска Долина и Тимочка Краина, наведува Курти.

Тој, на крајот, порачува дека Албанците не се против српскиот народ, „како што никогаш не биле и никогаш нема да бидат“.

– Не ги изедначуваме Србите со Србија, како што не ги изедначуваме припадниците на еден народ со дејствијата на една држава, заклучи Курти.

Би можело да ве интересира

Пукање во Белград, повреденото момче не и кажува на полицијата кој го нападнал

Вработена во српското МВР издавала фалсификувани пасоши

Земјотрес во Крагуевац: „Добро се стресе“

ВИДЕО: 25 години од НАТО нападот на Србија

Катерина Ѓуровски

На млад фудбалер му била одземена платата бидејќи ставил „лајк“ на дуелот меѓу Русија и Србија во Москва

ВИДЕО: Зад прекинот на дуелот меѓу Србија и Русија стои човек кој мислеше дека ќе се збогати