Курти: Не можам да зборувам за нивото на едукација на Вучиќ, работам според Уставот на Косово

Од:

Косовскиот премиер, Албин Курти изјави дека последните именувања на Срби за членови на неговата Влада, на кои се противат најголемата партија на косовските Срби, Српска листа (СЛ) и официјален Белград, ги извршил согласно одредбите на Уставот на Косово со кои се регулираат малцинските права, јави дописникот на МИА од Приштина.

Одговарајќи на новинарско прашање за вчерашната изјава на претседателот на Србија, Александар Вучиќ, кој поради последните именувања го нарече „терористички олош“, Курти рече дека тој не може да зборува „за нивото на едукација на државниот челник на северниот сосед“.

– Јас можам да зборувам за ставовите и идеите, за меѓусебните согласувања и несогласувања, но не можам да зборувам за нивото на едукација на државниот челник на нашиот северен сосед. Што се однесува до правата на малцинствата во Косово, тие се регулирани со посебно поглавје во Уставот на Косово во вкупно 6 членови… и верувам дека тие што се незадоволни од Уставот треба да изнесат докази и да аргументираат за да кажат што не е во ред и што не е доволно, рече Курти.

По оставките на членовите на СЛ, на почетокот на ноември, од Владата и од Собранието на Косово, Курти завчера го именува претседателот на Демократската прогресивна партија, Ненад Рашиќ за нов министер за заедници и враќање, а потпретседателката на истата партија, Рада Трајковиќ за советничка на премиерот.

На одлуката на косовскиот премиер остро се спротивставија СЛ и властите во Белград, оценувајќи дека постапил спотивно на Уставот на Косово. Вучиќ, пак, освен што го нарече Курти „терористички олош“, и за Рашиќ и Трајковиќ рече дека се „најлош српски олош“.

Би можело да ве интересира

Пендаровски: Политичка поддршка премиерот Курти може да даде кому сака

Косовски медиуми известуваат за план за атентат врз Курти, МВР демантира

А1он

Ахмети: ДУИ е победник на изборите уште пред да се одржат, а тоа го знаат и македонските и албанските партии

Орце Костов

Лидерите на Европски сојуз за промени и Tаравари на Косово на средба со Курти

Катерина Ѓуровски

Средба на претседателот Пендаровски со косовскиот премиер Албин Курти

Левица: Косовската владејачка партија директно се меша во внатрешните работи на Македонија