Курти: Косово е најдемократската, но и најизолирана земја на Западен Балкан

Од:

Косовскиот премиер, Албин Курти денеска потсети дека на денешен ден во 2018 година Европската Комисија по вторпат заклучи дека Косово ги исполнува критуриумите за визна либерализација, но дека одлуката за тоа и натаму не е донесена, јави дописникот на МИА од Приштина.

На својата страница на Твитер, Курти напиша дека Косово е „најдемократската и најпроевропска земја на Западен Балкан, но и најизолирана“.

– Денеска се навршуваат четири години откако Европската комисија по вторпат заклучи дека Косово ги исполнува сите критериуми за визна либерализација. Ние сме најдемократската и најпроевропска земја на Западен Балкан, но и најизолирана. Надежите на нашите граѓани треба да се исполнат со решителност и солидарност од страна на ЕУ, напиша Курти.

Првата препорака за укинување на Шенген-визите за косовските граѓани Европската комисија ја усвои во 2016 година, но и по втората од 2018-та сé уште има членки на ЕУ, пред сé Франција и Холандија, кои ја блокираат конечната одлука.

Извор: МИА

Би можело да ве интересира

Германија испраќа дополнителни војници во Косово

Горан Наумовски

Уапсен Србин на Косово: Обвинет е за воени злосторства

Горан Наумовски

Усвоена заедничка изјава на лидерите на Западен Балкан на Конференцијата на високо ниво „Раст и конвергенција на Западен Балкан”

Џафери на Конференцијата во Тирана: Планот за раст и Заедничкиот регионален пазар се клучни за забрзано членство во ЕУ

23-годишна Украинка пронајдена мртва на автопатот „Арбен Џафери“ во Косово

Катерина Ѓуровски

Вучиќ за Косово: На сите во лице им кажав што нема да исполниме од Охридскиот договор

Горан Наумовски