Косовскиот премиер Аљбин Курти денеска изјави дека формирањето на Заедницата на српски општини (ЗСО) на Косово не е можно бидејќи тоа е спротивно на Уставот и дека Србија е таа која треба да плати отштета за војната во 1999 година.
Курти, како што пренесуваат приштинските медиуми, рече дека Косово е мултиетничко „иако од прогласувањето на независноста, 93 отсто од населението го сочинуваат Албанци“.
„Формирањето на Заедницата на српските општини (ЗСУ) на Косово не е можно бидејќи е спротивно на Уставот. Кога прогласивме независност, рековме дека иако Косово има 93 отсто Албанци, не може да се нарече албанско, туку мултиетничко. Сега не може да се формира ненационален сојуз бидејќи веќе ја имаме Заедницата на косовските општини. Јас сум граѓанин на Косово кој и како политички активист и како член на опозицијата, па и денес како премиер, ги обврза и ги афирмираше сите права на малцинствата без разлика“, рече Курти.
Тој додаде дека „Косово не може да и плати отштета на Србија за изгубената војна во 1999 година, но дека Србија мора да ја надомести штетата што му ја нанесе на Косово во однос на луѓето и материјалните добра“, пренесува Бета.
„И на крај, но не и најмалку важно, има многу повеќе Албанци во Србија отколку Срби во Косово“, рече Курти во Урошевац, пренесе Косово онлајн.