Курти бара од министрите да набројат по пет работи кои успешно ги завршиле минатите 18 месеци

Од:

Косовскиот премиер Албин Курти изјави дека побарал од неговите министри да му поднесат извештај за по пет достигнувања кои ги оствариле во нивните ресори во текот на минатите 18 месеци од кога се на власт, јави дописникот на МИА од Приштина.

Курти пред новинарите во Приштина изјави дека барањето им го изнел по завршувањето на денешната владина седница, воедно барајќи од нив извештај и за прашањата во кои имало застои при нивното решавање.

– По завршувањето на седницата на Владата побарав од министритре идната недела да изложат по четири или пет нивни достигнувања во текот на едно и пол годишното владеење. Да видиме што постигнале тие ресори, какви лоши работи спречиле, изјави Курти.

На почетокот на денешната владина седница Курти ги наброја работите за кои смета дека ја покажуваат успешноста на неговата влада од доаѓањето на власт пред 18 месеци.

– Идната недела се навршува година и половина од нашето демократско и прогресистичко владеење. Пресвртот кој го вршиме во правец на развојот на општеството не може да биде остварлив без владеење на правото, правна безбедност и спроведување на човековите права. Значи, за да ја заживееме вистинската демократска промена, акцентот го ставивме на редот и законот, правната предвидливост и еднаквоста, рече Курти.

Извор: МИА

Би можело да ве интересира

Курти: Добив предупредувања за намалување на западната поддршка доколку Косово не биде конструктивно

Горан Наумовски

Курти за инцидентот кај Штрпце: Виновникот ќе се соочи со судските власти

Горан Наумовски

Курти бара поголемо присуство на НАТО во Косово

Курти: Косово ќе поднесе барање за членство во НАТО

Горан Наумовски

Возилото од придружбата на Курти учествувало во сообраќајка

Горан Наумовски

Курти: На агресијата ќе одговориме со сите сили