Курц по средбата со Харадинај не ја спомена корекцијата на границата со Србија

Од:

Австрискиот канцелар Себастијан Курц по денешната средба со косовскиот премиер Рамуш Харадинај, не ја спомена корекцијата на границата и размената на територии меѓу Косово и Србија, за кои претходно, по средбата со претседателот Хашим Тачи и вчера на средбите со српските лидери во Белград, рече дека неговата земја ќе ги поддржи, доколку двете страни постигнат договор за тоа.

Медиумите забележуваат дека Курц и Харадинај излегоа од средбата во кабинетот на премиерот „не баш расположени да даваат изјави“.

Австрискиот канцелар и неговиот домаќин во кратките изјави воопшто не ги споменаа границите.

– Австрија го подддржува силно дијалогот меѓу Косово и Србија и заинтересирани сме за вашата перспектива во тој аспект. Затоа очекуваме и народот на Косово да го поддржи дијалогот, бидејќи неговиот успешен исход е за доброто на вашата европска перспектива и за мирот и стабилноста во регионот, изјави Курц.

Харадинај во своето кусо обраќање пред новинарите се заблагодари на гостинот за поддршката што неговата земја ја дава на Косово.

– Ја имав честа да остварам средба со австрискиот канцелар, господинот Курц, со кого разговаравме за мошне добрите билатерални односи меѓу Косово и Австрија и за европската перспектива на Косово и на регионот. Благодарам многу за поддршката што Австрија ја има дадено на Косово, изјави Харадинај.

Пред да се сретне со Харадинај, Курц денеска се сретна и со косовскиот претседател Тачи и по средбата изјави дека Австрија и Европската унија ќе го поддржат секое решение за кое ќе се договорат Косово и Србија, вклучително и корекција на границата и размената на територии.

– Австрија се согласува со кој и да е договор што ќе го постигнат Косово и Србија. Доколку успеат да се договорат никој нема право да го оспори тој договор. Ова е став и во рамките на ЕУ. И доколку има корекција на границите и размена на територии, тогаш ќе биде поддржано од ЕУ, изјави Курц по средбата со Тачи.

Би можело да ве интересира

Груби договори заедничка седница на македонската и косовската влада

Жарко Настоски

ВИДЕО: Градежници свртеа вол на ражен во центарот на Белград, комшиите им викнаа полиција

Жарко Настоски

Се влошува состојбата во Србија – над 300 нови случаи на Ковид-19

Жарко Настоски

Српскиот претседател денеска и утре во Скопје во рамки на Економскиот форум за регионална соработка

Ана Ололовска

ВИДЕО: Српскиот министер за транспорт имаше напад на слепо црево, итно е опериран во Ужице

Жарко Настоски

Kосовската царина соборува рекорди, од почетокот на годинава има приходи од 700 милиони евра

Жарко Настоски