Курц: Австрија и ЕУ ќе го поддржат секој договор што ќе го постигнат Приштина и Белград

Од:

Австристкиот канцелар Себастијан Курц, кој денеска престојува во Приштина, изјави дека Виена ќе го поддржи секое решение за кое ќе се договорат Косово и Србија, вклучително и корекцијата на границата и размената на територии.

– Тука имам многу јасен став. Австрија се согласува со кој и да е договор што ќе го постигнат Косово и Србија. Доколку успеат да се договорат никој нема право да го оспори тој договор, изјави Курц на заедничка прес-конференција со косовскиот претседател Хашим Тачи.

Според австрискиот канцелар, истиот став го дели и Европската унија.

– Ова е став и во рамките на ЕУ. И доколку биде корекција на границите и размена на територии, тогаш ќе биде поддржано од ЕУ, истакна Курц, повикувајќи ги косовските граѓани да ги поддржат напорите за постигнување конечен договор меѓу Косово и Србија.

Тој додаде дека затворањето на дијалогот со Белград е важен и за визната либерализација за Косово.

Курц истакна дека во моментов не може да се зборува за конкретен датум кога ќе се укинат визите за Косово, но посочи дека во однос на тој процес постои одреден скептицизам кај некои земји членки на Советот на Европа.

Косовскиот претседател Хашим Тачи наведе дека Косово останува посветено на постигнувањето договор со кој ќе се стави крај на споровите со Србија, со што ќе се придонесе и за стабилноста на Балканот.

– Договорот ќе донесе мир, добросостојба за нашите народи и стабилност за целиот Балкан, посочи Тачи.

Австрискиот канцелар, кој во Приштина допатува по вчерашната посета на Белград, денеска ќе се сретне и со косовскиот премиер Рамуш Харадинај.

Би можело да ве интересира

Груби договори заедничка седница на македонската и косовската влада

Жарко Настоски

ВИДЕО: Градежници свртеа вол на ражен во центарот на Белград, комшиите им викнаа полиција

Жарко Настоски

Се влошува состојбата во Србија – над 300 нови случаи на Ковид-19

Жарко Настоски

Српскиот претседател денеска и утре во Скопје во рамки на Економскиот форум за регионална соработка

Ана Ололовска

ВИДЕО: Српскиот министер за транспорт имаше напад на слепо црево, итно е опериран во Ужице

Жарко Настоски

Kосовската царина соборува рекорди, од почетокот на годинава има приходи од 700 милиони евра

Жарко Настоски