Кривокапиќ: Свесен сум дека на Владата утре ќе и биде изгласана недоверба

Од:

Црногорскиот премиер Здравко Кривокапиќ изјави дека е свесен оти Собранието утре ќе и изгласа недоверба на неговата влада, додавајќи дека такво сценарио е договорено меѓу дел од власта и лидерот на опозициската Демократска партија на социјалистите (ДПС) Мило Ѓукановиќ.

dobivaj vesti na viber

Кривокапиќ денеска таквиот расплет на политичката криза го нарече „измама“, а својот мандат на чело на Владата го опиша како „седење на електрично столче“, алудирајќи на немањето поддршка кај владејачкото мнозинство.

Тој се обрати до јавноста откако претходно денеска Собранието одби да расправа за неговата иницијатива за смена на вицепремиерот Дритан Абазовиќ, пред утрешното гласање за доверба на владата, чиј пад е се поизвесен.

Иницијативата за смена на власта беше поднесена од коалицијата на Абазовиќ „Црно на бело“ и сите опозициски партии, вклучително и најсилната меѓу нив, ДПС.

Кривокапиќ истакна дека неговата Влада „не можеше да ги преживее нападите одвнатре“, а одговорноста за немањето резултати во областа на владеењето на правото ја префрли на Абазовиќ.

Тој нагласи дека во политиката влегол поради Законот за слобода на вероисповед и оцени дека ја исполнил својата политичка цел. Неговата Влада ги промени одредбите од тој закон, кои беа спорни за СПЦ, и подготви нацрт на Основниот договор со таа црква.

Кривокапиќ му се заблагодари на лидерот на Демократска Црна Гора, Алекса Бечиќ, претседателот на Собранието, за поддршката и ги повика граѓаните да не протестираат.

– Мирот и безбедноста се поважни од сите игри и интереси. Останете дома, гледајте, истакна црногорскиот премиер.

Поддржувачите на Кривокапиќ, противници на малцинската влада која се очекува да биде формирана, протестираа двапати неделно во Подгорица и во неколку други градови во изминатите две седмици. Протестите ги предводат министри лојални на Кривокапиќ.

Извор: МИА

Би можело да ве интересира

Црна Гора: Старото парламентарно мнозинство потпиша иницијатива за разрешување на Ѓукановиќ

Ана Ололовска

Мнозинство од црногорските пратеници постигнаа договор Лекиќ да биде мандатар за нова влада

Ѓукановиќ не го прифаќа Лекиќ за мандатар, бара скратување на мандатот на Парламентот

Македонски Албанец нов американски амбасадор на САД во Црна Гора

А1он

Денеска истекува рокот кога Ѓукановиќ треба да го соопшти името на мандатарот

Ана Ололовска

Користење дневна светлина, готвење во покриен сад и непокривање на радијаторите со облека: Црна Гора со предлог мерки за штедење

А1он