Кандидатот за мандатар на новата црногорска влада, Здравко Кривокапиќ ги повика сите млади да се вратат во Црна Гора за да помогнат во изградбата на подобра држава.
„Младите се нашата иднина и движечка сила. Ги повикувам сите што се во странство да се вратат за да изградиме подобра Црна Гора“, напиша Кривокапиќ на Твитер.
Mladi ljudi su naša budućnost i pokretačka snaga.
Pozivamo sve, koji su u inostranstvu da se vrate. Izgradimo bolju Crnu Goru.— Zdravko Krivokapić (@ZdravkoKrivokcg) September 29, 2020
Кривокапиќ оваа недела треба да започне разговори за составот на извршната власт, но најпрво ќе разговара со водачите на Демократскиот фронт, објави локалниот медиум „Дан“.
Тој на обвинувањата дека е предавник на црногорската нација одговори дека не е ниту просрпски ни проруски, туку процрногорски човек кој ќе ја врати надежта на народот и ќе изгради една подемократска Црна Гора.