Портпаролот на рускиот претседател Владимир Путин, Дмитриј Песков, изјави денеска дека Кремљ „многу внимателно“ ја следи ситуацијата со обвиненијата против Хашим Тачи и Кадри Весели, затоа што, како што истакна, тие по одлуката за покревање на обвиненијата откажале некои закажани состаноци и посети, пренесуваат руските медиуми.
Специјалното обвинителство на Косово вчера подигна обвинение против Хашим Тачи, Кадри Весели и неколкумина други лица за сторени злосторства против човештвото и воени злосторства, вклучувајќи и убиства, присилно исчезнување на лица, прогон и тортура.
Тачи уште синоќа ја откажа посетата на Вашингтон, каде на 27 јуни треба да се одржи средба од дијалогот меѓу Белград и Приштина.