Косовската Влада издвоила 20 милиони евра за обвинетите за воени злосторства

Од:

Косовската Влада издвои 20 милиони евра за одбрана на обвинетите од страна на Специјалниот суд за воени злосторства во Косово, изјави министерот за правда на Косово Селим Селими во синоќешното интервју за порталот „Калѕо“.

Според Селими, седум милиони се за заштита на потенцијалните обвинети од меѓународниот суд со седиште во Хаг, а 13 милиони евра се резервни средства.

-Од овие 20 милиони ќе се издвојат средства за нивна заштита, за поддршка на нивните семејства, што е предвидено со друго упатство со кое се предвидуваат нивните патувања, посети и слично. Посебна помош ќе им биде доделена на оние кои ќе бидат прогласени за невини, како надоместок за нивната ослободителна пресуда, изјави Селими.

Како што јави дописникот на МИА од Приштина, пред Специјализираните совети за Косово, како што е официјалниот назив на судот кој во косовската јавност е познат како „суд за ОВК“, кон средината на ноември годинава започна судскиот процес против четворица од основачите и водачите на таа некогашна воена организација.

На обвинителната клупа седнаа политичкиот директор на Ослободителната војска на Косово, Хашим Тачи, кој поради обвинението поднесе оставка од функцијата претседател на државата, двајца поранешни претседатели на Собранието на Косово, шефот на разузнавањето на ОВК Кадри Весели и нејзиниот портпарол Јакуп Красниќи, како и шефот на пратеничката група на ВВ, Реџеп Селими, една од истакнатите фигури на военото крило на ОВК.

Покана да се јават пред обвинителството во Хаг, во својство на осомничени или сведоци за претпоставени злосторства врз цивили од албанска, српска и друга етничка припадност во Косово за време и по последната војна со Србија, според досегашните информации, имаат добиено над 300 поранешни водачи или други припадници на ОВК.

Би можело да ве интересира

Курти: Владата ќе ја заживее промената во Косово

Ана Ололовска

Вјоса Османи официјално ја презеде должноста претседател на Косово

Косово: Се враќа полицискиот час и се затвораат училиштата, кафеаните и трговските центри на 12 дена

Жарко Настоски

Вјоса Османи е нова претседателка на Косово

Ана Ололовска

Османи не ги доби потребните гласови за претседател на Косово во првите два круга гласање, се оди на последниот круг

Ана Ололовска

Започна собраниската седница за избор на претседател на Косово

Ана Ололовска