Косовската претседателка бара од ЕУ да ги осуди дестабилизирачките тенденции на Србија на Балканот

Од:

Косовската претседателка Вјоса Османи бара од Европската Унија „да биде погласна“ во однос на, како што ги нарекува, „дестабилизирачките тенденции на Србија во Косово и во регионот“ на Западен Балкан, јави дописникот на МИА од Приштина.

dobivaj vesti na viber

На денешната средба со амбасадорот на Австрија во Приштина, Кристоф Веидингер, Османи нагласила дека Косово е посветено на мирот и стабилноста во регионот.

Во соопштението од претседателскиот кабинет се вели дека на средбата се разговарало за последните случувања во северот на Косово, каде што пред десет дена имаше протести и блокади од страна на косовските Срби, поради одлуката на властите во Приштина за промена на српските регистерски таблички со косовски и реципроцитет кон Србија во однос на личните документи при влез од едната во другата држава.

– Претседателката Османи нагласи дека институциите на Косово се посветени на продолжувањето на целосната координација со меѓународните партнери, како што се координираа и досега. Претседателката Османи побара ЕУ да биде погласна во однос на дестабилизирачките тенденции на Србија во Косово и регионот, се вели во сооштението.

Османи му рекла на амбасадорот Веидингер дека Косово очекува поддршка од Австрија во процесот на визна либерализација, како и за зачленување во меѓународни организации.

Извор: МИА

Би можело да ве интересира

Рама: Ништо не го менува ставот на Албанија дека Србија треба да го признае Косово

Ана Ололовска

Роде: Визната либерализација за Косово може да се очекува на почетокот на 2013 година

А1он

Приштина: Косово е подготвено за секаков напад, имаме нови модели на оружје

А1он

Американска компанија заинтересирана да инвестира 800 милиони евра во Косово

А1он

Македонец со двајца косовски државјани планирале ликвидација на Љуљзим Баша

А1он

Во Косово запален автомобил на Србин, припадник на косовската полиција

А1он