Косовската гранична полиција за регионот на Ѓаковица, по завчерашната дојава дека во областа Кошаре има садници на наркотични билки, откри пет плацеви со вкупно 4.050 стебла марихуана, јави дописникот на МИА од Приштина.
Во полициското соопштение се наведува дека наркотичните билки се уништени и дека за случајот е известено Обвинителството за тешки злосторства во Ѓаковица, кое покрена истрага за кривично дело „одгледување и производство на наркотични билки, психотропни и аналогни субстанци“.
– Полцијата ја информира и Управата за борба против трговијата со наркотици, која исто така излезе на местото на настанот. Во тој регион се откриени 4.050 билки, чија височина изнесуваше од еден до 3,5 метри. Полицијата ги откорна и ги уништи (изгоре) билките откриени на таа локација, соопшти полицијата.