Косово со нови мерки за заштита од Ковид-19, се враќа самоизолацијата во случаите на контакт со заразен

Од:

Косовскиот министер за здравство Арменд Земај ги соопшти новите мерки за заштита од ширењето на епидемијата на Ковид-19, кои беа усвоени на денешната седница на Владата, јави дописникот на МИА од Приштина.

Земај информира дека од денеска ќе се затвораат канцелариите во кои има позитивни случаи, додека лицата кои биле во контакт со заразени ќе се самоизолираат на 14 дена.

– Контактите на заразените лица ќе се самоизолираат и ригорозно ќе се почитуваат заштитните мерки на Институтот за јавно здравство на Косово, додека санитарните и општинските инспекции ќе ги санкционираат случаите на непочитување на тие мерки, објави Земај.

Исто така, одлучено е да се редуцира бројот на вработени во администрацијата, се наложува задолжително носење маски и строга контрола на спроведувањето на таа мерка на влезовите во сите институции и од страна на вработените во трговските и угостителските објекти, погребните церемонии да се вршат само во кругот на потесното семејство, дополнителни мерки во старечките домови, формирање локални штабови во општините и слично.

Во Косово, заклучно со последниот официјален извештај, досега се регистрирани 2.878 заразени од новиот коронавирус, од кои починале 51 лице. Активни носители на вирусот се 1.250 лица.

Би можело да ве интересира

Шест држави досега се пријавија да ја преземат новата руска вакцина против Ковид-19, меѓу нив и Србија

Познатиот режисер Мајкл Мур ја промовира Македонија како туристичка дестинација, во отсуство на други места за патување на Американците

А1он

СЗО: На американскиот континент секојдневно по 100 илјади случаи на коронавирус

А1он

УЕФА откажа натпревар од Лигата на шампионите поради KОВИД-19

А1он

Дневен преглед на состојбата со Ковид-19 во светот

А1он

Повеќе од 150 фудбалери се заразија од Ковид-19 во бразилската лига

А1он