Косово и Србија постигнаа договор за регистарските таблички

Од:

Високиот претставник на Европската унија за надворешна политика и безбедност, Жозеп Борел, соопшти дека Косово и Србија постигнале договор за регистарските таблички.

Борел на Твитер напиша:

“Имаме договор! Со големо задоволство можам да соопштам дека главните преговарачи на Косово и Србија, со посредство на ЕУ, договорија мерки за да се избегне понатамошна ескалација и целосно да се концентрираат на предлогот за нормализација на нивните односи.

Договорот е постигнат на средбата на главните преговарачи на Косово и Србија, Бесник Бислимиј и Петар Петковиќ во Брисел, со посредство на специјалниот претставник на Европската унија за дијалог, Мирослав Лајчак. Средбата траеше речиси шест часа.

Косово ќе престане да ги казнува српските регистарски таблички, а Србија нема да издава таблички со ознаки на косовските градови.

„Ќе ги поканам страните во наредните денови да разговараат за следните чекори“, рече Борел.

Утре беше одложен рокот од 48 часа за почеток на изрекување глоби за возилата кои не се пререгистрирани од стари српски на РКС таблички.

Би можело да ве интересира

Курти претстави шест услови за формирање на ЗСО во Косово

Фондацијата Фридрих Еберт состави нацрт статут за ЗСО

„Вечерње новости“: Лајчак, Ескобар, Плетнер и Бон после Божик доаѓаат во Белград

Курти: Немаше никаков таен договор за отстранување на српските барикади во северно Косово

Ана Ололовска

Отворени се премините Јариње и Брњак, отстранети се барикадите на северот на Косово

Катерина Павлова-Николовска

Мала дипломатска победа за Србија, смета министерот за одбрана Вучевиќ