Коњуфца: Српските воени злосторници ќе се казнуваат и во отсуство

Од:

Вршителот на должноста претседател на Косово, спикерот на републичкото Собрание, Глаук Коњуфца денеска најави дека истрагите за српските злосторства во војната од 1998-99 година ќе продолжат, а на воените злосторници ќе им се суди и ќе им се изрекуваат казни и во отсуство.

На денешното чествување по повод 22-годишнината од масакрот во месноста Бурим (Извор) во областа Малишево, Коњуфца потсети на 14 илјади косовски граѓани „масакрирани и убиени од геноцидната српска власт“ и 2.500 загинати борци во војната, без кои, како што рече, „Косово нема да беше таму каде што е сега“.

– Како народ не ќе можеме никогаш да се смириме, а посебно не семејствата кои ги изгубија своите најблиски, доколку правдата не се спроведе и злосторниците не ја добијат заслужената казна. Многумина од оние кои ги масакрираа нашите блиски шетаат слободно низ Белград и други места низ Србија, така што наша задача е да ги истражиме, да ги пронајдеме и, зошто да не, да ги казниме и во отсуство. Нашата држава ги има сите потебни механизми за да ги казни злосторниците од војската и паравојските на Србија кои ги извршија тие масакри во Косово, рече Коњуфца.

На денешен ден 1999 година во Бурим, според официјална Приштина, српските сили убиле 42 цивили од две малишевски села и тројца од градот Сува Река.

Би можело да ве интересира

Ескобар: САД го поддржуваат спроведувањето на договорот од дијалогот меѓу Белград и Приштина

А1он

Тензија меѓу Борел и Курти за заедницата за српски општини на Косово

А1он

Вучиќ: Најдено е решение за законот за експопрација, во сабота протестираа 31.000 луѓе

Ана Ололовска

Се очекува омикрон да стигне во Србија до крајот на месецов

А1он

Ковид-лабораториите во Здравствениот дом во Ниш престануваат со работа поради недостиг на реагенси

Катерина Павлова-Николовска

ВИДЕО: Србија беше блокирана неколку часа, инциденти на протестите

Катерина Павлова-Николовска