Кон: Ситуацијата со Ковид-19 во Србија се влошува

Од:

Српскиот епидемиолог и член на Кризниот штаб, Предраг Кон изјави денеска дека епидемиолошката состојба во државата е влошена и уште повеќе ќе се влошува, очекувајќи оваа недела бројот на новозаболени да надмине 300 лица.

Тој истакна дека во следниот период сигурно ќе има четирицифрен број на нови инфекции на дневна основа, дека околу 300 лица сега се хоспитализирани, но не очекува притисок врз здравствениот систем како што беше кога имаше повеќе од 9.000 хоспитализирани во Србија.

На прашањето кога може да се очекува врв на четвртиот бран, Кон за ТВ Пинк рече дека нагорната линија трае осум недели – почна во последната недела од јуни и ќе продолжи во август. Дополнителен проблем, како што нагласи Кон, очекува во септември, на почетокот на учебната година, а претходно голем број луѓе ќе се вратат од летните одмори.

– Но, ние исто така имаме вакцинирани, што е важно како факт кој ќе влијае на развојот на ситуацијата. Ако немавме вакцинирани, не би било чудно овој последен скок да биде врвот, но ќе има четирицифрен број на заразени на дневна основа, тоа е јасно”, додаде Кон.

Би можело да ве интересира

Србија прва во Европа според новозаразени на милион жители, лекарите бараат едномесечно затворање

Предраг Петровиќ

Во Србија четвороцифрен број новозаразени со Ковид-19 за 24 часа

Голем скок во Србија, нови 752 новозаразени

Белградските студенти кои ќе вакцинираат ќе добиваат влезници за Егзит

Од денеска во Србија е достапен дигиталниот зелен сертификат

Драматична состојба со Ковид-19 во Врање, шопингот на Македонците една од причините

Катерина Ѓуровски