Поранешната претседателка на Хрватска и членка на Меѓународниот олимписки комитет (МОК) Колинда Грабар-Китаровиќ денеска е оперирана во клиничкиот центар во Загреб, а како што пишува „Јутарњи лист“, сега ја чека неколкумесечно закрепнување.
Таа имала операција на дискус хернија на цервикалниот ’рбет, а операцијата, како што дознава весникот, поминала добро.
Операцијата вклучува олеснување на притисокот на корените на нервите и ‘рбетниот мозок, предизвикано од дискус хернија или од парче скршена коска.
Грабар-Китаровиќ во сабота ќе биде пуштена од болница, објавија нејзините соработници.