Приштинскиот весник „Коха диторе“ напиша дека косовскиот премиер Хашим Тачи ја призна Северна Митровица како посебна општина, кога го прифати планот за имплементација на бриселскиот договор.
Согласно со Уставот и законите кои што се на сила на Косово, парлементот треба да донесе посебна одлука за формирање на општина Северна Митровица.
Според весникот општината ќе има дополнителни овластувања да даде второстепена здравствена заштита, вклучувајќи и регистрација и лиценцирање на установи за здравствена заштита, вработување, плаќање на лични додатоци и обучување на здравствени работници.
Општината ќе има овластување и во основно, средно и високо образование, вклучувајќи и регистрација на образовни институции.
Елена Георгиевска