Коцијанчиќ: Побрзо да се формира влада во Приштина и да продолжи дијалогот со Белград

Од:

Европската унија денеска повика на побрзо формирање влада во Приштина и продолжување на дијалогот со Белград.

– Ќе биде потребно уште некое време за финални резултати, но владата мора да се формира веднаш штом ќе заврши постапката. Пред Косово е важна работа. Новата влада мора да се заложи за напредок во реформите, економскиот и социјалниот развој, владеењето на правото и продолжувањето на дијалогот посредуван од ЕУ со Белград, рече портпаролката на ЕУ, Маја Коцијанчиќ.

Таа оцени дека тоа ќе донесе напредок и кај луѓето кои живеат на Косово, но и во целиот регион.

– ЕУ ќе продолжи да работи со Косово и ќе промовира помирување, регионална соработка и добрососедски односи на Западен Балкан, рече Коцијанчиќ.

Вчерашните избори во Косово таа ги окарактеризира како „добар ден за косовската демократија“ и истакна дека излегле повеќе гласачи отколку на изборите во 2017 година.

Коцијанчиќ најави дека набљудувачката мисија на ЕУ утре ќе објави оценка за изборниот процес во Косово, по што ќе следи финален извештај со препораки, чие спроведување ќе биде набљудувано од страна на ЕУ.

Би можело да ве интересира

Усвоена Уредба за примена на Законот за основање на Агенцијата за финансиска поддршка во земјоделството

А1он

Донесена Уредба за Законот за акредитација за време на вонредна состојба

А1он

Договор за заедничка набавка на лекови и медицинска опрема со ЕК

А1он

Прераспределени повеќе од 6,5 милијарди денари од Буџетот за имплементација на економските мерки

А1он

Османи: Реџепи не се закани туку побара помош, не треба да правиме драма бидејќи секој е оштетен

Кристијан Ландов

Влада: Секое отпуштање од работа не значи дека е поврзано со корона кризата

А1он