Коалицијата на двајцата поранешни бугарски технички министри „Промената продолжува“ се регистрира за парламентарните избори на 14 ноември

Од:

Политичката формација на Кирил Петков и Асен Василев се регистрираше за учество на предвремените парламентарни избори на 14 ноември во Бугарија.

Како што јави дописникот на МИА од Софија, повикувајќи се на објава на поранешниот бугарски привремен министер Кирил Петков, тој поднел барање до Централната изборна комисија за регистрација на коалицијата „Промената продолжува“ за учество на парламентарните избори за 47 -та национална Собрание во Бугарија. Потребниот број потписи за регистрација на коалицијата, според Петков, биле собрани од нејзините активисти за неколку часа.

Истовремено, стана јасно дека „Преродба“, која се смета за проруска партија во Бугарија, нејзиниот лидер Костадин Костадинов го кандидирала за претседател на Бугарија. Заменик-претседателот на „Преродба“, Цончо Ганев, изјави дека Бугарија има огромна потреба од претседател за да ги брани нејзините национални интереси. Тој ги наведе областите во кои, според нив, актуелниот претседател Румен Радев категорично не го брани бугарскиот интерес за воведување на еврото, пандемијата од Ковид-19, енергетската независност и американските бази во Бугарија.

„Преродба“ не го одобрува воведувањето на еврото во Бугарија. Според Ганев, следниот претседател на Бугарија мора да има јасен и прецизен став по ова прашање и да го брани.

Дописникот на МИА од Софија потсетува дека претседателските и предвремените парламентарни избори во Бугарија треба да се одржат на 14 ноември, а евентуалниот втор круг од претседателските избори би бил на 21 ноември.

Би можело да ве интересира

Активист на „Преродба“ го нападна бугарскиот министер за образование

А1он

Учениците во Софија преминуваат на онлајн настава

А1он

Рекорден број на новозаразени со Ковид-19 во Бугарија

Катерина Павлова-Николовска

Стоев: Судирите во Косово ја покажаа нестабилната ситуација во регионот

А1он

Стоев: Формирањето партија на Бугарите во Македонија е вистинскиот начин за заштита на нивните права

А1он

Романците и Бугарите најсиромашни во ЕУ