Со разговорите во Загреб американската државна секретарка Хилари Клинтон, ја завршува посетата на Западниот Балкан.
„Хрватска има голем потенцијал и САД се оптимистични во поглед на нејзината иднина“, изјави Клинтон, на состанокот со хрватскиот премиер Зоран Милановиќ.
На средбата американската државна секретарка и премиерот Милановиќ разговарале за интересот на американските компании да инвестираат, но и за очекуваниот влез на Хрватска во Европската унија.
Претходно Клинтон од турнејата низ регионот на Западниот Балкан ги посети Сараево, Белград, Приштина и Тирана.
По разговорите во Србија се очекува српскиот премиер Ивица Дачиќ и косовскиот премиер Хашим Тачи да седнат на преговарачката маса и да го решат спорот со Косово, а за возврат Србија да добие условен датум за почеток на преговорите со ЕУ.